呢个系我睇过最全面嘅广州地铁吐槽合集

-回复 -浏览
楼主 2022-08-02 16:07:03
举报 只看此人 收藏本贴 楼主

下星期,广州地铁就会有几条新线路开通,下边呢张图又会更加丰富啦!


上世纪50年代末,,60年代开始进行规划勘测,30几年之后,1999年广州第一条地铁——广州地铁1号线先正式开通运营,从此,广州地铁陪我哋走到依家。


而广州地铁又有个昵称叫羊角,因为地铁本身标志好似一对羊角。



广州地铁开通整整18年,比我仲大(冇错,阿咩今年16岁!),所以阿咩今日对广州地铁有啲嘢不吐不快。




1.羊角地铁奇葩站名


第一类:呃鬼食豆腐,根本就冇呢个地方!


飞翔公园——系咪觉得嗰名好好听,其实根本就冇呢个公园,嗰度得片荒地!


万胜围——你以为真系有条村叫万胜围啊,唔好意思,其实系羊角生安白造,“万胜围仲要系解放前一个地主对自己嗰几十亩地嘅命名!


第二类:合体站名,问你服未!


嘉禾望岗——二号线北端终点站,位于白云区嘅嘉禾街道同望岗村交界处,为咗唔得罪两边,直接将地铁名合体为嘉禾望岗!


【京溪南方医院】——由于地铁站临近京溪村同南方医科大学嘅南方医院,将两个唔喇更嘅名又合埋一齐!你咁做问过长安女子医院未!!!


【三溪】——由于地铁站周围有宦溪、石溪、莲溪三条村,建成地铁站嘅时候,三条村对命名问题互不相让,最后干脆合成为“三溪”站,大家都得个吉!


第三类:改个字有咁难咩?


【西朗】——附近系西塱村,原定站名为西塱,由于当时电脑字库冇“”呢个字,就使用“西朗”,后来字库更新咗之后,官方就以成本为理由唔肯换名啦!


第四类:我都唔知讲咩好!


【团一大广场】——原定名系越秀南站,由于共青团第一次大会喺附近召开,有旧址,但系并冇广场,后来竟然无啦啦要更名为“团一大广场”,为咗呢个名特登起咗一个团一大广场,问你服未!



2.地铁日日塞夜夜塞


大家都知道,世界上有条巷,叫少林寺木人巷,系少林寺武道嘅最高试炼,只有通过者先可以叫正式嘅少林「护寺僧兵」。



而世界上,都有条线,叫广州地铁三号线,系每个广州人嘅终身噩梦,除咗凌晨6点同深夜11点几,其他时间都未见过佢少人,每个乘客都怀疑广州市政府一直谎报人口总数!



而世界上,又有个站,叫“地狱”西路,每日都可以见识到浩瀚嘅千军万马真正嘅血肉长城,我嘅一身金钟罩铁布衫、篮球内线技术、自动导航功能都系喺呢个站练成!



每日,喺广州地铁各大院线都不断循环播放由700万广州市民(壮士)倾情出演嘅大片——《岗顶围城》《决战小蛮腰之巅》《珠城大冒险》《客村凶灵》《沦陷公园前》《生化火车东站》《广佛大战僵尸》《独闯昌岗迷阵》《绝命体育西》《杨箕总动员》《滘口迷航》……



目前,广州地铁总长277.5千米,只系北京、上海嘅一半,但每日要承受700几万嘅客流量,只比北京上海少100几万,可见,广州地铁一啲都唔比北京上海轻松。



造成地铁日塞夜塞嘅原因,有一部分系广州天气唔同北方,比较适宜出行,而市民普遍选择价格实惠嘅地铁,加上广州系南方最大嘅批发市场、商品集散地,通勤人数加剧咗人流。


但系最根本原因系当初规划地铁嘅时候,相关部门对人流预计嘅严重失准,冇预计到地铁路段楼盘发展速度之快,人口暴涨。


除咗1、2、8号线,其余地铁线嘅列车车厢较窄、每组数量又少,地铁车厢容量不足系造成地铁运力差,地铁日日塞人嘅最大原因。



3.换乘一次挪人命!


除咗人多,羊角地铁部分换乘站简直恐怖到令人发指!


万里长征式换乘——杨箕、黄沙、西朗


喺杨箕、黄沙、西朗换乘一次,简直等于去一次万里长征,换乘路程又长又曲折,完全冇尽头!


——来自每日万里长征一次嘅小沅子


迷宫式换乘——客村、珠江新城、体育西路


体育西路嘅就唔使讲咁多啦,大家都明,客村都算啦,除咗条路九曲十八弯,标志都几清楚。


最痴线系珠江新城,每次换乘五号线,就写明一个方向去文冲,一个方向去滘口,我点鬼记得要去边个方向啊,每次纠结好耐行边边!


——来自路痴嘅阿咩


最良心嘅换乘——公园前


完全唔使考虑去边个方向,又唔需要行好耐,简直系公认嘅业界良心!


——来自羊城网全体同事


根据阿咩查资料所得,特别变态嘅换乘站,通常都系因为地铁站最初规划同实际执行不符


比如杨箕,原先一号线五号线嘅换乘站应该喺东山口,后来改为杨箕,杨箕原来嘅结构根本唔适合做换乘站,就搞到要开一个新出口另外连接六号线。



4.地铁站越嚟越冇特色


90年代中期兴建一号线嘅时候,站台设计采用一站一景,所以一号线嘅每个站装修材料都唔同,比如烈士陵园系大理石、陈家祠系花岗岩等。



由于各站采用大量唔同嘅材料同灯饰,令到地铁站嘅成本增加,对维护造成负担,后来兴建二、三、八号线嘅时候,广州地铁就改为一站一色。


所以地铁站装修风格一致,但系墙体颜色唔同,比如岗顶站嘅颜色就系青绿色。



我哋会睇到二、三、八号线好多站名都系唔同嘅书法字,咁系因为广州地铁为咗令每个地铁站有特色,曾经征集过唔同书法家嚟写地铁嘅站名。


唔同特色嘅书法既可以彰显传统文化特色,又令到乘客可以区分每个地铁站。



不过呢个咁有意义嘅活动,冇几耐就中止咗。据说系怕有人为咗留低自己嘅墨宝而走关系,广州地铁干脆放弃咗书法字嘅方案。


由于一站一色嘅长期运用,调色板嘅颜色基本用晒,如同使用相同颜色可能会令到乘客认错,5号线之后,所有嘅新地铁线改为一线一色。


一线一色就系指一条地铁线上所有站台都系一种装修风格,一种颜色,就系站名唔同,比如六号线,就完全冇任何特色同生机,令人觉得死气沉沉。



从一站一景,到一站一色,再到一线一色,虽然系越嚟越悭钱悭力,维护成本大大降低,但系咁样广州地铁站系咪越嚟越冇特色、越嚟越冇诚意,咁样地铁站仲点成为呢个城市嘅门面?



5.冇厕所……


讲真,将呢点放喺后边,唔系因为厕所唔重要,而系广州地铁已经训练到我唔在乎有冇厕所,反正上地铁之前都会先去个厕所……


虽然话就话广州地铁沿线90%覆盖洗手间,不过经过阿咩亲身体验,好多自建厕所就好偏僻,只喺某个出口,公共厕所又都要出站先可以去,其他厕所就更加唔使讲啦,就系啲商场或者公园嘅厕所。



如果坐羊角地铁嘅时候,人有三急嘅话,就真系好考验你嘅忍耐力啦~~



虽然上边将广州地铁踩到地底泥咁,

不过其实广州地铁都有好多优点嘅!



6.中国地铁收车最迟


广州地铁嘅服务喺全国地铁之中,都算系业界楷模,有口皆碑


广州地铁喺中国地铁之中收车最迟,而且喺好多大型节日,如圣诞、元旦等,都会延迟收车,服务大众。



虽然广州地铁日日都塞人,不过主要线路嘅发车密度比北京上海都高,通常都系2-3分钟一部(八号线同广佛线就稍微耐咗啲)


广州地铁微博微信发布信息都好及时,包括人流嘅控制啊,站口开放等,而且仲开通咗微信购票、闪付进站等等。



7.三语报站全国仅此一家


羊角地铁系全国唯一一家三语报站嘅地铁,分别系普通话、粤语同英语。羊角地铁嘅报站声好好听,普通话唔会太过官腔,粤语又唔系生硬嘅电子音,令每个广东人倍感亲切。


而且粤语报站并唔系生硬照搬国语,而系经过翻译,比如「请在此站下车」读成「请喺哩一站落车」,「请站稳扶好」读成「请企稳扶好」。


呢度就不得不讲下羊角地铁嘅配音员:


广州地铁粤语同普语男声——李喆


李喆系本土独立乐队ProjectAce制作人同贝斯手、广州跑酷团队CitySpanker嘅创始人,接触配音十几年,经验丰富。



广州地铁粤语同普语男声——郭德欣


郭德欣除咗系配音导演,仲系广州广播电视台节目主持人,地铁通广州塔嘅播音员,甚至仲为千颂伊、高圆圆、喜羊羊配过音。



阿咩讲咗咁多,

唔知大家日日搭羊角地铁,

对佢又有咩睇法,系赞多定弹多?

留言同大家分享下!



素材出自广州地铁、知乎、南都等

羊城网负责整理编辑



利事豐:粵語文化,代代相傳……




利事豐丁酉年全新設計,包含六大押韻盞鬼恭賀粵語主題,細細封好好袋!手機掃描背面二維碼,即刻挑戰【估畫粵語】,今年拜年同兄弟姐一齊鬥智啦!


零售價:¥35文/盒


點擊底部【閱讀原文】或掃描二維碼即可掃貨


 淘寶購買請搜索店鋪【羊記雜貨鋪】

團購或定制請聯繫:020-83195715-805

我要推荐
转发到